الفنان يختلف قليلا عن المجنون، يختلف في أنه يستطيع أن يُدخِل الآخرين في عالمه الخاص، بينما المجنون لا يستطيع.
صلاح جاهينولو انضنيت وفنيت وعمري انفرط
مش عايز ألجأ للحلول الوسط
وكمان شطط وجنون مانيش عايز
يا مين يقولّي الصح فين والغلط
بعد الطوفان الجو شبورة
ننده لبعض بهمسة مذعورة
بشويش نمد الإيدين
ياللي أنت جنبي أنت فين
كان فيه طوفان و خلاص
مابقاش طوفان
المسني ونسني أنا حيران
قل لي
إيه اللي بالإمكان
بعد الطوفان متهدمة الجدران
يا ميت ندامة ع اللي قلبه جبان
أما الهمام الجرئ
فوق الطوفان مرفوع
فوق الطوفان
كوبري الشجاعة يعدي كل زمان
غمض عينيك و ارقص بخفة و دلع
الدنيا هي الشابة و انت الــــــــجدع
تشوف رشاقة خطوتك تعبــــــــدك
لكن انت لو بصيت لرجليك ....تـقع
عجبي !!
يا عندليب ماتخــافش من غنوتك
قول شكوتك واحكى على بلوتك
الغنوة مش ح تموتك إنما
كتم الغنا هو اللى ح يموتك
عجبى!
في ناس بنشوفها بالالوان وناس جواها مش بيبان
وناس اسود وناس ابيض وناس محتاجه بس امان
واكتر ناس تآمنهم ما بيجي الجرح غير منهم
وناس انت بعيد عنهم بتنسي معاهم الاحزان
وقف الشريط في وضع ثابت
دلوقت نقدر نفحص المنظر
مفيش ولا تفصيلة غابت
وكل شيء بيقول وبيعبر
من غير كلام ولا صوت
أول ما ضغط الموت
بخفة وبجبروت في يوم أغبر
علي زر في الملكوت
وقف الشريط في وضع ثابت
دلوقت نقدر نفحص الصورة
انظر تلاقي الراية منشورة
مِتْمَزّعة لكن ما زالت فوق
بتصارع الريح اللي مسعورة
وانظر تلاقي جمال
رافعها باستبسال
ونزيف عرق سيال علي القورة
وف عنفوان النضال
وقف الشريط في وضع ثابت
انظر اليه شوف قبضته السمرة
وعيونه ثورة مكحلة بثورة
وصدره عرض الأرض حاضن مصر
والشام وليبيا وتونس الخضرة
والقصبة وفلسطين
والأردن المسكين
والبحر والبساتين والصحرا
وف عز طحن السنين
وقف الشريط في وضع ثابت
انظر وشوف ع المهل بالراحة
الشمس وسط القبة قداحة
وناس بعيد في الظل مرتاحة
ومصر واقفة صبية فلاحة
علي كتفها بلاص
فيه ألف تقب رصاص
والميه منه خلاص
شلالها في الرمل غاص
صبية حلوة كأنها تفاحة
لكنها م الحزن دابت
وسط السواد ندابة نواحة
ولما هل بطلها في الساحة
بالحب والاخلاص
وقف الشريط في وضع ثابت
خلي المكنجي يرجع المشهد
عايز أشوف نفسي زمان وانا شب
داخل في رهط الثورة متنمرد
ومش عاجبني لا ملك ولا أب
عايز أشوف من تاني واتذكر
ليه ضربة من ضرباتي صابت؟
وضربة من ضرباتي خابت
وضربة وقفت بالشريط في وضع ثابت؟
قال المكنجي: رجوع مفيش
عيش طول مافيك أنفاس تعيش
وبص شوف ..
ركن الشباب صفوف صفوف
ركن الشباب في السينما بيصفر
مفيش وقوف
ركن الشباب فيه ألف مليون شب
ومش عاجبهم لا ملك ولا أب ..
انظر إليهم
وأنت تتذكر
Tags: أنغام-سبتمبرية
أنا الذي مشيت أدوَّر باشتياق و حنين
... على مصر
، و المشي خَدني من سنين لسنين
لحد ما سنيـنهـا و سنـيني بـَقـُم واحد
و عاصرتها يوم بــِـيـوم ، لم فاتني يوم واحد
و حضرت شاهد عيان مَوْلـِد و موت ملايين
ما زعلت من كلمة قـَدّ .....: " البـَركة في الجايين " !
مين هم دول يا جدع .. ما توحد الواحد
، البركة فينا و في السامعين بالواحد
أنا قلتها بنرفزة ..، من غيرة الواحد
على اسم مصر .
Tags: poetry
إيديا في جيوبي وقلبي طــــــــرب
سارح في غربة بس مش مغترب
و حدي لكين ونسان و ماشي كده
وبابتعد ما اعرف .. أو باقـــــترب
عجبي !!
« first previous
Page 7 of 12.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.