علم اللوع أضخم كتاب فى الأرض
بس اللى يغلط فيه يجيبه الأرض
أما الصراحة فأمرها سهل
لكن لا تجلب مال ولا تصون عرض
يا حزين يا قـُـمـقـُم تحت بحر الضياع
حزين أنا زيـَّك و إيه مستطاع ؟!
الحزن ما بقالهوش جلال يا جدع !
الحزن زي البرد ... زي الصداع
عجبي !!!!
Tags: poetry-quotes
خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
ماليش كتير في السياسة
أنا قلبي مليان حماسة
لكل شيء حر صادق
ماليش كتير في السياسة
لكن بحب المبادىء
و باحب صاحب المبادىء
مليش كتير في السياسة..
لكن بفكّر
و ماليش كتير في الكلام..
لكن باعبّر
من قلب مليان حماسة..
و بقول كلام في السياسة
آدي اللي كان، وآدي القدر وآدي المصير
نودع الماضي.. وحلمه الكبير
نودع الأفراح... نودع الأشجان
راح إللي راح ومعدش فاضل كتير
إيه العمل فى الوقت ده يا صديق
غير إننا عند إفتراق الطريق
نبص قدمنا، على شمس أحلامنا
نلقاها بتشق السحاب الغميق
وأرجع وأقول: لسه الطيور بتحن،
والنحليات بتطن، والطفل ضحكو يرن
مع إن ..مش كل البشر فرحانين
أحسـن مـا فيهـا العشـق والمعشـقة وشـويتين الضـحــك والتـريقـة
صلاح جاهينأنا قلبـى كـورة . . والفـراودة أكـم
يـامـا اتنطـح وانشـاط .. وياما اتعكم
واقـول له كـل ح ينتهى فى المعـاد
يقـول بسـاعتك ؟ والا سـاعة الحكم ؟
اوقـات افـوق ويحــل عنـى غبـايا
واشـعر كأنى فـهمت كـل الخبـايـا
وافتـح شـفايفى عشــان أقـول الدرر
مـا أقـولش غير حبة غزل فى الصبايا
عجبي عليك ..عجبي عليك يازمن
يا ابو البدع يا مُبكي عيني دماً
ازاي انا اختار لروحي طريق
وأنا اللي داخل في الحياة مرغما
عجبي
« first previous
Page 8 of 12.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.