إنتظارِك حالة من صبر إختياري .. بس أنا مجبر عليها تحت تهديد الوعود .. إنتظارك معنى تاني للأماني .. ومعنى أول للوجود
محمد السيدمطيع جداً مع المكتوب ..
و ليّا شروق و ليّا غروب ..
و ليّا عيوب ما بنكرهاش ..
كمان بدّي الأمل ببلاش ..
و ما استنّاش تمن من حد
ﻟﺴﻪ ﻗﺎﺩﺭ ﻉ ﺍﻟﺘﻔﺎﺅﻝ ..ﻣﻬﻤﺎ ﻳﺤﺼﻞ ﻣﺶ ﺑﻤﻞ
ﻟﺴﻪ ﺷﺎﻳﻞ ﺣﻠﻢ ﻋﺎﻗﻞ .. ﺷﻤﺴﻪ ﺗﻜﺴﺮ ﺍﻯ ﺿﻞ
قلبي قادر ع اللي عادو .. مهما قالو ومهما عادو
الامل عارف معادو .. زاد ومش ممكن يقل
Tags: الأمل
وكأن فيه قطاع طريق للأمنيات
واخدين تمللي من ايديك كل الحاجات
هما اللي ورثو لوحدهم في الفرعنه
يعني كمان الخصخصة واصله الجينات
امسح دموعك بالمطر اتدفي بالشارع... ادي البراح فرصته ياخد عنيك بالحضن.. متكونش كبش البكا لو مال عليك الحزن... اوعي الببان تفصلك عن ضحكة تستاهلك.. دوق الحياة بالناس دول كلهم اهلك
محمد السيدرحمتك اكبر مساحة
مهما بيضيق الوجود
دعوتك للقلب راحة
جاية من وضع السجود
الرحيم اسمك ووصفك
ياللي مابتظلم عبيد
قلبى متعشم في عطفك
رغمي اني كتيربعيد
رحمة نازلة وذنب طالع
وف رضاك القلب طامع
ده انت شايف وانت سامع
وانت اقرب م الوريد
كان قلبي مليان بالصور
لوشوش كتيرة بتبتسم
رغم الزحام رغم البشر
كل الوشوش اتغيرو
قلبي اتملي كراكيب صدف
ولا صدفة قادرة تعمرو
سيب السنين تاخد من عمرنا وتروح
أيه يعني سايبة جروح ؟؟!!
ولا اللي فات واجع ..كل اللي فات راجع
حتى الجسد والروح
ساعات الورد يرجع حى
ولو عاش السنين دابل
مفيش احلام تموت الا
لو اللى حلمها كان قابل
فرحت كتير ومش بنكر
زعلت كتير كمان واحلف
بإن العمر مستحلف
يزغلل عيني بالفرصة وفجأة تروح
حاولت كتير ومش دايما يكون مسموح
اطول الحلم بإيديا واقول حققت
كأن العمر متقسم
وبابتسم شوية وقت
واروح تاني واقول نفسي
يطول الوقت من نفسي
والاقي حاجة احكيها وانا قاعد مع نفسي
يارب انا برضه مش طماع
ومش عايز حاجات يامة
شوية ستر من عندك
يعدو الرحلة بسلامة
« first previous
Page 3 of 9.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.