لما تحس ان انت لوحدك
فكّر فيك
بص بعينك جوّه عنيك
اصل مفيش غير ايدك تقدر
تاخد وقت الشدة ايديك
حتى ف وقت الجرح ماظنش
عين غير عينك تبكى عليك
مكنتش عارف اتكلم
مفيش ولا معني كان قابل
يشيل حمل الكلام ليكي
سابوني لو حدي اتعلم
واشوف البحر في عنيكي
يغرق قلبي لما يريد
واديني عرفت معني جديد
بحس بحاجة مختلفة
عنيكي المشكلة حالفة
أموت فيها لكني سعيد
عشان لو روحي رجعتلي
أموت تاني بلمسة ايد
النوم احلام فاقدة الرؤية وفاقدة التحقيق
ومحال الشط يقرب نفسه لأي غريق
ده الحلم صديق
لو قلبك قادر يخـلصله عمره ماهيخون
صالح ايامك علي روحك واعمل معروف
متقولش ظروف
متقولش ظروف كاسره جناحي
لو قلبك بيدق وصاحي
في الضلمة تشوف
الحلم عرض و مستمر
مبينتيهيش
هو اللي بيخلي القلوب تعرف تعيش
بيخلي طعم اليوم الأمل
بيحلي شكل المشاهد
الحلم علشان يكتمل
متاخدش دور المشاهد
حاول تكون انت البطل مالي الافيش
والحلم عرض هيستمر
ما بينتهيش
الخوف طريق مهما انتهينا مينتهيش
هتعيش غريق يبقى انت مااخترتش تعيش
فيه ألف فرصة وفرصة عارفين المعاد
طعم المحاولة أحلى من طعم المفيش
بتسهر لوحدك
وتقعد معاك
وتسأل تجاوب وتعتب عليك
تبوحلك بسرك
وتضحك في سرك
وتبكي في سرك وتقفل عنيك
بتحلم وتسرح
ووهمك ملاذ
وتكدب تصدق بدون انحياز
لأن بتنسي ان روحك إزاز
بتفضح ضميرك قصادك أوام
بترجع في رأيك وتنسي الكلام
وبعد المداولة
بتخسر محاولة
وتلقي ان اولي
تسيبك لوحدك
وتدخل تنام
كل ثورة وانت طيب
وانت طيب وابن ناس
ثورة ايه فكك خلاص
اللي مات الله يباركله
و الشهيد في الجنة فوق
وانت فاهم وابن سوق
الشهيد بقي ليه معاش
يعني دمه ماهوش بلاش
والقضايا في المحاكم
والمحاكم ليها قاضي
ربنا يطول في عمرك
كل ثورة وانت فاضي
وانت راضي ومستقر
عايز اقولك كلمة سر
عجلة الانتاج سليمة
انما حكومتك لئيمة
دول بيخزو العين ياباشا
واحنا اصلا في انتعاشة
والفلوس رجعت يا مان
كل ثورة وانت شايف
قلة واقفة في الميدان
والشيوخ في البرلمان
والعصابة في اللومان
واحنا عايشين في الأمان
حتي مش عايزين بوليس
ده احنا فلسعنا الوريث
والسؤال العادي جدا
عامل ايه من غير رئيس
كل ثورة وانت طيب
خد شوية كمان في كيس
و الموت مسكن اسئلة
و ماهوش جواب
الامضا بس بتتنقل
من خانة الحاضر وجع
لخانة الموجوع غياب
اذن الوجود مش هو اصل المشكلة
و الازمة لو ازمة حياة
فلكل ازمة منحنى
الازمة فى الغالب...أنا!
وشوش مدهونة بالضحكة
و تحتيها البكا ثابت
و ناس ف الدنيا كات ماسكة
و غصبن عنّها سابت
و ناس عايشة و ناس لأه
و ناس تخسر و ناس سابقة
و ناس من قلبها عاشقة
و ف الآخر أهى اتسابت!
وإيه يعني
كلامك نصه يوجعنى
ونصه التانى شوق ليا
وايه يعنى
تمد الايد وتمنعنى
وتاخد ايدى بالتانية
مسيرك يوم هتتأكد
تقرب حتى او تبعد
ساعتها بس هتحدد
تجيلى او تودعنى
وهافضل برضه مستنى
وايه يعنى
وايه يعنى تغيبلك يوم
وترجعلى فى يوم تانى
فى حبك قلبى لو مظلوم
ياريتك تظلمه تانى
براحتك اوعى تستعجل
قرارك صعب مش ساهل
انا عن نفسى هاتحمل
لانك حد يستاهل
انا بتمنى تختارنى
ده بعدك شئ هيكسرنى
خسارتى لما تخسرنى
ياريت يا حبيبى تسمعنى
هتعمل مهما راح تعمل
هاحبك برضه وهكمل
بدات هواك من الاول
محال لو شئ يرجعنى
وايه بعنى
« first previous
Page 4 of 9.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.