لما راجع ذكرياته
شاف قصاده شريط حياته
اكتشف كام قطر فاته
واكتشف حبة حاجات
عمرة عدا واحدة واحده
الف فرصه ماخدش واحده
قلبه ليه ماختارش واحده
رغم انه بتاع بنات
ياما فات في الصخر شقه
كان عنيد وماسابش حقه
بس ليه اللي استحقه
فاضي من غير انجازات
كل يوم يستني بكره
عمره قرب يبقى ذكري
شاف كتير ومخدش فكرة
والف بكره وبكره فات
دنيا بيعافر معاها
باعها ياما واشتراها
برضه في الحالتين متاهة
مهما يعمل معجزات
قال هتبقى ميه ميه
لو حداقة ومفهومية
بس طلعت هي هي
دنيا في كل الحالات
لما راجع ذكرياته
شاف قصاده شريط حياته
اكتشف كام قطر فاته
م الزعل قام طب مات
الحنين لحاجات قديمة
زى حباية مسكن وقتها عند اللزوم
والرجوع لسنين جميلة....
حقنة بتقويك تكمل
وسط زحمة يوم سخيف
وانت ياللي طول حياتك
كنت ضيف
شجرة كان أهون ألمها
لما يصفعها الخريف
جذع مش مادد جذوره ..
واتبنى حواليه رصيف
خانك العمر فـ دقايق
كنت دايق .. من قريب
لذة العشرين وطيشها
قلت اعيشها
واتفجعت بقطر فاتك
واتخدعت بكدبة بايتة
ألف قطر وقطر غيره
بكره ييجو ويندهوك
والحقيقة الـــ مش شايفها
السنين الجارية جارية
نخاسينها بيكرهوك
واللى قضو العمر جنبك
واحدة واحدة يودعوك
وانت عكس الوحدة ماشي
بس رجلك رايحة ليها
مهما كان قلبك شوارع
للخلايق يمشو فيها
لما يجى الليل عليها...
ماتلاقيش جواها ساكن
وانت رحت كتير أماكن
بس قلبك كان ساعتها إيجار جديد
ياللى راجع من بعيد
فرصتك صابها النزيف
قلبك المليان أسامي
الجميع مشيو وسابوه
إتحرمت يكون في بيتك
حلم لسه بيبتدي وتكون أبوه
السكك كانت قصادك
بس قلبك؛ وقتها قرر...يتوه
يعمل ايه القلب لما
يفتكر حبة وجع
نغزة تطرد نوم عينيه
طيف يعدي بدمعه حايرة
يا تري تفضل مكانها
وللا تنزل زي غيرها ربما تهون عليه
يعمل ايه
قلب ما اخترش انه يبقا
اغني واحد في الحنين
مستعد لأي ذكري انها تخليه حزين
ازمته مش انه راضي
هو راضي بدون قرار
اي ماضي لو يزورك مش بيديك اختيار
بس لما الماضي دايما للدموع بس يناديه
يبقي مش عارف ساعتها
يعمل ايه
قلبك في اول سفر استطعم التوهان
سلم قصاد غربته بالقسمة والمكتوب
والغربة وش هروب وقت الحنين بيبان
الطيارات كلها بتوصل المساجين
والغربة ناس تانيين قايمين بدور سجان
قلبك اكيد ندمان لكن بيستكبر
عاوز يعود انما.. الخوف مهوش سامح
اقوي الدموع منه لحظة مايتذكر
اول ما خدت قرار بالخطوة دي امبارح
كلمة ياريت طعمها بيقلل الفرصة
اصل الجراح عمرها ما تشوف دموع وتخف
العمر وانت غريب يشبه شريط بيسف
والآهه غنوة وجع يسمعها مين غيرك
دايما بتتلفت وتلاقى ناس تانيين ...
مين تعرفه غيرك
شكلك غريب وسطهم والبيت هناك فاضى
كل اللى حيلتك صور مع ضحكتين بايتين..
بيجرو رجل الوجع يا خدك علي الماضى
ده انت اللى نفسك تعود
وانت اللى مش راضى
ﻣﺘﻨﻄﻮرة اﻻﺣﻼم
واﻟﺨﻄﻮة ﻣﺶ ﻃﺎﻳﻠﺔ
وﻧﻔﻮﺳﻨﺎ م اﻻﻳﺎم
ﺷﺎﻳﻠﺔ اﻟﻬﻤﻮم ﺷﺎﻳﻠﺔ
ﺣﺘﻰ ﺣﺮوف ﺻﻮﺗﻨﺎ
ﻣﻌﺎدﺗﺶ ﻟﻴﻪ ﻗﺎﻳﻠﺔ
واﻟﻌﻴﺸﺔ ﰱ ﺑﻴﻮﺗﻨﺎ
زى اﻟﺤﻴﻄﺎن ﻣﺎﻳﻠﺔ
ﻣﻔﻀﻠﺶ ﻏير ﻣﻮﺗﻨﺎ
وﺗﻜﻮني ﻟﻠﺒﻬﻮات
ﻓﻌﻼ ﺑﻠﺪ ﻫﺎﻳﻠﺔ
بكسر فى قلبى كل يوم حبة وجع
وأعمل جدع
و أضحك فى وش الجرح و أتريق عليه
بدفن بكايا بالبطئ
وبلم دمعى من الطريق وأتداوى بيه
عرفت ان المشكلة مش فى الدموع
وان الرجوع مع اى (راح) اصلا سخف
انا لسه فاهم .. للأسف
واكيد هواظب ع اللى (جاى) بدون بكا
مش قولتلك
هييجي يوم لما اسألك هتقول تعبت
لا انا كنت ناوي اتعبك
ومكنش قصدي اكدبك
وأديك كدبت
اكتئب
اقعد لوحدك
اصنع العُزلة اللعينة
وإعمل البحر بدموعك
وإرمى قلبك فيه سفينة
وأمّا تبكى البحر يعلى
يرتجف قلبك يتوه
وقتها روحك هتصرخ
إلحقونى ياناس ياهوه
قلبى غرقااااان ...إلحقوه
بس مين ياخد بايدك
وانت مختار تكتئب وتكون لوحدك
عابر سبيل
ولا حيلتى غير الكلمتين
ساعات بقولهم من سكات
وساعات بيقنعى السكات
هقول لمين ؟
الناس مبتحبش كلام مش ع الهوا
احنا كده
نعيا وبنخاف م الدوا
والطبلة اسهل حاجة فى جميع الالات
(يا غولة عينك عسلى وتجنن )
واما ابتسم
(نقطنا بسكاتك يا عم بلاش نشاز)
الحكمة ضلت من مفاهيم الحياد
والودن ملت من معانى الانحياز
(انسى اللى فات
الحى ابقى من اللى مات يا محترم )
ادينى عقلك وامشى حافى لو تحب
لكن انا
مش لاقى راحتى معاكو وسط الكدب
وعشان كده
عابر سبيل
ولا حيلتى غير الكلمتين
دايما هقولهم من سكات
وأما بنام بحلم قلق
محمد السيد« first previous
Page 8 of 9.
next last »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.