هنا صحاب بالإسم .. معرفتهمش
مديت ايدين شماريخ ولا طلتهمش
هنا الوشوش الصمغ بتلفني
والصمغ موجه حويط
قراره غويط
بدل ما نصحي .. نتقتل في الفجر ؟!
سيد حجابMots clés الموت-في-الفجر
الغلّ فحل جاموس جوايا
فرعون في حشايا
لاطفح في وش الندل ولا اخلي
وارشق في قلبه السلّ من غلّي
واهدّه بقوايا
Mots clés غل-حقد
يا أصحابي عجّزنا كده ..
قبل المعاد !
يا أصحابي ما تبكوش علي كتوفي
بقول
أنا عمري ماكنتش جمل صلب
اسمعوا
أنا مكنتش يوم شيال الحمول
اتعتعوا
ووسعوا لي ف صدركم
حتة عليها انحني
وأقول كلام بيهزني
بيغلي جوايا ونفسي أطلعه
يا أصحابي .. لا .. متوسعوش
ليا أنا
داحنا يادوبك كل واحد مننا
بيقول كلامه
وهو برضو يسمعه
يا أصحابي آه .. حتي الجمل
بما حمل
ميّل .. ونخّ
يا مودّع .. الطريق غميق
وقلوعي زي قلبي طيبة وجريئة
أنا بارتعش من فُرقة الصديق
وياما اطول الطريق
من غير صديق يحمل همومي معايا وقت ضيق
وأقاسمه فرحتي البريئة
Mots clés صديق-صداقة
جدي ما كان جندي
ونينتي بنت مصر
ولا جد جدّي
كان من الغُزّ المماليك ابن قصر
حتي ابني
وابني في بطون الغيب جنين
باشم فيه ريحتك يا مصر
وجروحه في ضهره
بتشر عمر لحد ما طول العذاب .. قهره
وفي نني عينه كلمة .. ما بتنقال
عشانكم أنتم يا حبايبي .. أمو...
وبقيت حروف الكلمة يتقطموا
ماتت غناوي فرحة البنّية
لا المسلمين صلوا علي قبرها
ولا النصاري صلصلوا بالجرس
ولا حوطت جسمها المنهوك
بنادق الحرس
يا ويل بلد بيضيّع المقتولين
يا ويلكم .. وبصوا
دمي فوق كفكم
ح يزفكم بالدم .. متجرسين !
Mots clés دم-مسيحيين-مسل
يا طبق بنّور
في السما بيدور
فوت مره وزور
قلبي المكسور
Mots clés نور-قلب-كسر
بابص لحيطان اليوت
باحس اننا ممثلين
في لعبة الموت البطيء .. المضحكة
Mots clés موت-سخرية
« ; premier précédent
Page 2 de 4.
suivant dernier » ;
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.