يلا اختار بأى كِفاياك حِيرة
ليه التفكير والتكشيرة
ماهو كدا أو كدا هوّ نصيبك
يبأى اختار بأى فُضّها سِيرة :P
وماتستناش :))
امسح فـ رسمى كمان
وغير الألوان
يانظام أعمى وأصم
بس ياريت ينفع
تمسح كمان الدم :(
فاكر كدا هترتاح
والناس هتنسانى
أنا مش رسوم عـ الحيط
فى ناس كتير عايشة
فـ قلوبها مليون بيت
مفتوحة علشانى
هتروح وييجى غيرك
وأنا بردو فــ مكانى
ساكن قلوب الناس
وكل رسمة مسحتها
راح تترسم تانى
نصيحتى ليك ابدأ
حرص على مُلكك
واكسب قلوب الناس
الطَيّبة فــ صفك
اكسب دعاويهم
وابأى افتكر دايما
الملك مش محتاج
علشان فــ ليلة يزول
لجيوش ودبابة
لو ربنا رايد
والظلم كان زايد
كفاية دعوة أم :(
كِتير بَتخَانق مَع نَفسِى
مَا انا أصلِى اتنين فِـ كَيان وَاحِد
وَاحد مُستَسلِم من بَدرى
ووَاحد قَرر إنه يجاهد~
وَجَعُ حَنينٍ يَرضَى الله عَنه ُخَيرٌ مِن وصَالٍ قَد يُغضُِبه~
Ahmed Faiadكُلُ الأوجَاع قد تُسكِتها الكلِمَات
إلا وَجَع السُكَات :(
عُمرك يوم
فكرت بجَد
تصاحِب نَفسَك
تِسمع منها
تفَضفَض ليها
ترمى هُمومَك مَرة عليها
جَايز تِلقَى مَعاها الحَل لكل مَشَاكلك
أصلَها شَكلَك
عَارفة طِباعك
حَافظة مَبادءك
أكتر حَد يحس بوجَعك
ويشيل هَمَّك
وَقت الفَرحة
أكتر منك راح تفرَحلك
جَرّب مَرة تقرب منها
سيبلها فُرصة
تحس فـ وقت انك مِحتاجلها
زى مَاهىّ سَاعات تحتاجلك
هتشُوف فيها حَاجات تثبتلك
إنها أجمَل صاحب مُمكن تِلقاه فـ عُمرك
أصلها نفسك
زى ما هتحسَها هتحسَك
أد ما هتحبَها هتحبَك
ليتَ حُلمَا يأخُذنا بَعيدا عَن الحيَاة~
Ahmed Faiadتِعرَف تِتلكك للدُنيا
تِخطَف م الفَرْح ولو ثانية :)
والحزن اعتبره كأنه مَاجَاش
أصلها دُنيا ولازم تِتِعَاش
ماتسِيبش الفُرصَة تضيع مِنّك
اسعَى وَراها
ومنين مَا تروح
ومَاتستناش
أصلك مش ضَامن لو ضَاعت
هَتجيلَك فُرصَة منين ببلاش؟!
نِفسى اشوفك مَرة تانية
حتى لو كان فـ المنام
من قريب أو بعيد
المهم انى أشوفك
نِفسى أخطف حتى ثانية
م الزمان ومن المكان
نبأى فيها لوحدنا
نبعد عن الناس كلها
ثانية من قلب الجنان
ثانية نهرب من كُسوفى
ومن كُسوفك
ثانية أكْسَر فيها خوفى
من ظروفى ومن ظروفك
ثانية اقولّك
إن أنا من يوم ما شُوفتِك
كُل حاجة فيا بتقولك بحبك
أوعدِك ..
إنّى أكْسَر كُل حَاجز كان فـ يوم بيناّ فـ ثانية
بس أشوفك مرة تانية ♥
لما تتعب من حياتك
والهموم تكتر عليك
والدموع تسكن عنيك
افتكر ان انت ليك
رب مستنيك تروحله
رب يفرح لو تبوحله
باللى تاعبك
واللى قالقك
واللى بتشوفه ف حياتك
اللى جايلك
واللى فاتك
عن ماضيك
عن ذكرياتك
يسمعك لو يوم شيكتله
ويسمعك حتى ف سكاتك
عمره ما يمل حكاياتك
أو يقولك يوم كفاية
رغم إنه بيبأى عارف
كل تفاصيل الحكاية
« ; premier précédent
Page 4 de 7.
suivant dernier » ;
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.