صدقنى انا زاهد بالصدفة .. او من غير قصد
انا طاير آه .. لكن علشان مش لاقى الارض
صدقنى انا كان نفسى اتعلق .. ف حاجات ياما
وأعيش احساس ان انا فعلا من غيرها هموت
انا اعرف اعيش
من غير ما احتاج انى اقرا الوقت
من غير ولا واحد م اللى اعرفهم دلوقت
انا اعرف اعيش من غير اسمى
او سنتوف بره حدود جسمى
ياشعب مستناش
خد حقه بدراعه .
ياوطن مبيسعناش
واحنا اللي بنساعه.
الدم لون واحد
مفيهوش عبيد ولا سيد
وان بعتوا دم شهيد بكره ... هتتباعوا
و لحد ما فجأة لقيت
مش باقى معايا ف جيبى
غير كام ( اول ) يتعاش
لا اعرف ان كنت هشيلهم
ولا هابيعهم ببلاش
لما قلتوا الدنيا فانية و قلت ايوة
فزتوا انى امنت بيكو
و فاتكوا انى بعد فترة
هبقى زاهد
حتى فيكو
بدون سبب واضح
بدون م أعرف سبب واضح
عشان أزعل
أنا زعلان
و فجأة بدون سبب برضه
يفرحنى
بكون فرحان
لا منى عرفت أعمل إيه
عشان مزعلش من تانى
و لا منى
عرفت إزاى
أدوق الفرحة بالمجان
للأسف من صغر سني
علتي .. بزهق قوام
ابتدى و أسخن لكنى
بعد فترة أبرد و أنام
كله في الأول بميل له
و كله في الأخر بمله
حتى لو كان شئ فاضله
خطوة واحدة ع الختام
يا رب متسبنيش غريب
خدني أتونس معاهم
كله راحلك إلا أنا
وإن كان لسه ف العمر باقي
طب فاضللي كام سنة؟
آسف....أنا مش قصدي أراجعك
والشكوى دي مش كفر مني
مش قولتلي....إحكي اللي واجعك؟
طلع الكلام كدا غصب عني
طلع الكلام
أهبل...وخام
عيل عبيط
ملهوش لجام
والعمر دايرة
مقفولة صح
أولها
نلقاه ف الختام .
صاحب المكان..ينده عليا و يقوللى ها..نفسك ف ايه؟ اسكت واتهته و اقول رضاك يقول تعبت ولا ايه؟ اقوله خدنى افضل معاك..
مصطفى إبراهيمTag: inspirational
تفرانيل 100
انا شعرى غامق
بس قلبى مطقطق ابيض من زمان
جايز عشان
الناس ساعات بتلاقى ناس
تعرف تشوفها بجد
و انا قلبى لسه عمره ما اتكشف علي حد
بقابل اد ما اقابل
و افارق اد ما افارق
و ما اتعلمش
بلخبط ف الاسامى عشان
بخاف انسى
بلخبط ف الدنيا عشان
بخاف لا ما اعيشش
بقالى كتير ما بتكلمش
بخاف يبقى الكلام متعاد
ما كملتش ف اى رحيل
ما كملتش ف اى قعاد
و بدى للحياة بالكاد
ما يكفيها
و يكفينى
شرور البهدلة فيها
مليش ف البنت طلبات غير
تنسينى اللى قبليها
و بدخل ف حاجات تخاطيف
و عينى ع اللى بعديها
رقصت كتير علي السلم
بخاف اطلع
و اخاف من الارض
اكيد الخوف مش الفكرة_
و حتى يا ستى يعنى بفرض
اكيد الخوف مهواش عيب
طبيعى الناس تخاف من الغيب
و من المقدور
برغم كدة
بحب الضلمة اكتر ما بحب النور
ساعات بتمنى شقة ف برج شايفة النيل
و اوقات انى اعيش مستور
و بزهد .. ف كل ما ف الرحلة من زخرف
و ما زهدهاش
ما دام فيها رمق يتعاش
اكيد ف الرحلة يوم متحاش
و مستنى اعدى عليه
و تعرف عنه اصلا اية ؟_
مفيش غير انه لسه مجاش
بنام ؟
طبعا .. كتير جدا
و بالايام
و طول الوقت بحلم ان انا بجرى
و بشبع من الحاجات بدرى
و رغم كدة لسه ما شبعتش
من الجرى و من الاحلام
بخاف من الموت
عشان خايف ساعتها اكون
عبيط .. كل اللى سيبته كلام
بشوف افلام
عن الدنيا
و عن حكايات
لناس عاشت حاجات تانية
و عن حكايات لناس ماعاشوش
و بتأثر
و بتحسر
ع كل اللى كان ممكن
اكونه
بس ما بقيتهوش
زمان في حد علمنا
في درس الدين
دعاء بيقول
يا خالق كل شئ ناقص كمالته معاك
يا شايل من الحاجات حته بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ندعي وراه بصوت عالى
يرج الفصل رج خفيف
و أكمل دعوتى فى سري
و ترحم قلبي فى شيبته
كما تدعو الفروع الأصل
دعوتها فى كل خريف
Tag: تفرانيل-100
« prima precedente
Pagina 11 di 12.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.