زمان في حد علمنا
في درس الدين
دعاء بيقول
يا خالق كل شئ ناقص كمالته معاك
يا شايل من الحاجات حته بنترجاك
بحق المشهد الكامل
و اسمك اللى أنا عرفته
تسيب اللى يكفينا
و تكفينا بما سبته
ما تحوجناش
لجاى مجاش
و ندعي وراه بصوت عالى
يرج الفصل رج خفيف
و أكمل دعوتى فى سري
و ترحم قلبي فى شيبته
كما تدعو الفروع الأصل
دعوتها فى كل خريف
Tag: تفرانيل-100
أصل اللي زيي حيعيش لماذا ؟
لو عاش لوحده
العمر كله ؟؟
كل أما بفتح صفحة
ف الدنيا بلقاها
بتتقلب مني
من قبل ما أقراها
نشبه لإيه؟؟
نشبه لأي إتنين يحبوا و ميقولوش!
نشبه لإيه؟
لإلي خايفين يحلموا ف مبيعيشوش
و ملقوش طريق يتقابلوا فيه..نشبه لإيه؟
نشبه حكايات عيشتها..أو حلم ناقص و إنتهى..
نشبه حاجات مش وقتها..أو جرح متعود عليه
نشبه لإيه؟!
Tag: حلم a-dream-deferred
أنا أحسن واحد يقدر يقنعك تحكي.. وما بيحكيش
أنا أحسن واحد يقدر سقنعك تبكي .. وما بيبكيش
أنا أحسن واحد يقنعك تفرح
وأحسن واحد يقنعك تجرح
أنا أحسن واحد ميت
يقدر يقنعك..
تعيش
الملح والسكر نفس البياض إزاي؟
والورد أحكر زي لون الدم
أعرف منين الضحكة دي من فين؟
وإن كنتي ضحكة فرح
ولا أنتي ضحكة هم
ساب الجاكت في الفاترينة..
بعد ما قاس..
ساب الجزمة في الكرتونة..
بعد ما داس
حطّ التلج وبلّع بُق وساب الكاس..
ساب حكاياته للي حاكيها..
وقضّى حياته م اللي ماليها..
ساب الدنيا بكل ما فيها..
بعد ما جرّب كل الناس..
مين بقي فاضل معاك ؟
حبة باعوا لليهود
حبة باعوا لآل سعود
وانت يا شعبي كعادتك
عمر ما حد اشتراك
مشيوا أصحاب المصالح
ومشيوا ثوار السواك
والميدان دايما كعادته
مش هيفضل فيه ... سِواك
في حاجات لازم... علشان نعرف....درجة قوتها...بنكسرها
وحاجات ف ادينا... عشان نعرف.... اننا عايزينها ....بنخسرها
كدّبت ف عمرك كام صاحب
علشان كان نفسك تتطمن ؟
وخسرت اصحابك واتطمنت
طب كام بالون فرقعوا منك
وإنتا بتنفخهم ع الاخر؟
وعرفت اخرهم بس ندمت
دلوقتي فهمت
أنا عاوز إيه
ونا كنت بفرقع بلالين ليه
أنا عاوز حاجه بدون آخر
أو حتى بآخر ما اوصلّوش
كام حيطه ف ضهري
اضرب واهري
ف بدنهم بس ما يتهدوش
شيء مش مغشوش
مضمون دايما
من غير ما احتاج إني اتأكد
أو حتي اخاف إني اتنكد
لا يكون ف الاخر برضه فاشوش
يا بشر عرفاني وعارفه أنا مين
بلغوا اسفي لكل البلالين
كلنا كنا ف يوم بالونه
فقعتنا تجارب بني أدمين
بلالين عايشين نفسها تلقي
حد يصدق ويقدرها
متأكد من إنه عاوزها
من غير مايجرب يخسرها
الصورة قصادك ممدودة...
و مش محدودة...
بالطول و العرض...
و البرواز ضلعه الفوقاني...
ف السما....
و التاني مساوي الأرض...
و بما إنك حيلتك بس عينين...
ف قصادك حل من الإتنين...
يا تقرّب جامد م الصورة...
و تاخدلك كادر تركز فيه...
و تعيش حكاويه...
و ساعتها مفيش..
و لا كادر يعيش...
و يكونله لزوم...
غير كادر الزووم...
أصغر تفصيل ف الصورة يبان...
ريحة الدنيا و طعم الأحداث...
الفرق ف تدريج الألوان...
شكل التجاعيد ف وشوش الناس...
ف تعيش مستمتع بالتفاصيل...
الجهل... جميل...
بيقربلك سقف النشوة...
و الحزن كمان...
أما لو اخترت إنك تبعد...
و تشوف المنظر من برة...
حتغطي عينيك كادرات أكبر...
و حاجات أكتر...
لكن أحجامها بقت أصغر...
م الأول ميت مليون مرة...
تكتشف إنك...
مبقتش في حاجة تأثر فيك...
و لا بتبكيك...
مبقتش بتزعل تقريباً...
و الدنيا بقت أبيض فاقع...
و إن انت بقيت إنسان ساقع...
مبقيتش بتضحك بالساهل...
و لا حاجة ف نظرك تستاهل...
تتمنى ساعتها تعود جاهل...
ف تلاقي الزووم...
كان رايح بس...
و لجل النحس...
مفيش راجع.
« prima precedente
Pagina 12 di 12.
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.