عارفه إن أنا يوميا بكبر ؟
وبعجز اكمني مابنساش
أنا فاكر أيام بالميللي
أنا فاكر أيام بالتفصيل
أنا جرح قديم...كان متغطي
إكمني مشتي ولابس كم
سبتني الدنيا بستين أم
وسبتلها ميت مله ودين
يا ناس يا عبط يا عشمانين..
ف فرصه تانيه للقا..
بطلوا اوهام بقي..
وكفايه أحلام واسمعوا..
عيشوا بذمه و ودعوا..
كل حاجة بتعملوها..
وكل حد بتشوفوه..
وكل كلمه بتقولوها..
وكل لحن بتسمعوه..
عيشوا المشاهد... كل مشهد..
زي مايكون الأخير..
واشبعوا ساعة الوداع ….
واحضنوا الحاجه بـضمير..
دا اللي فاضل مش كتير ….
اللي فاضل..
مش كتير
أنا عايم على وش المية ..
وأنا سايب ايدى ورجليا ..
والموجة اللى تفوتنى بسيبها ..
وأتشعلق فى الموجة الجاية
أنا مش فاكر ..
آخر مرة بكيت كات امتى ..
أنا مش فاكر .. آخر دمعة عليها القيمة ..
أنا مبقتش بصدق ولا مشهد فى الدنيا ..
أنا مبقتش بدمع .. غير وأنا جوة السـيما
ان كان ولابد تبيع نفسك بيع نفسك فرط..
لميت واحد قالك أحسنلك .. تتبعتر أحسن..
ما يلمك جيب واحد
والنتيجة كل مادا صورتى تتلخبط..
زيادة وأنسى أصل شكلى ايه وللا نفسى..
أشوفنى ليه حد زيى بعد فترة ازاى يصدق..
.. غير عينيه؟
بعد طرحك من الحساب
للعساكر والكلاب والارانب والفيران
والاجانب والغيلان والارايل والقرون
والمرايل والدقون
اللي فاضل يا افاضل
...هو دا تعداد وحصر
للعيال اللي جبتهم
في الحلال الست مصر
عشان فيكى منى فى طبع الجنان ..
عشان فيا منك فى طبع الحنان ..
عشان احنا نسخة ..
عشان احنا مُسخة ..
عشان فيه تشابه بشكل ابن وسخة ..
عشان فى ف دروبنا علامات كزالك ..
وعشان فيه ف دروبنا علامات كذلك ..
برغم ان مفهاش ولا درب سالك ..
وعشان احنا أصلًا سوا من زمان ..
بحبك ..
لذلك ..
وأكتر ..
كمان ..
عشان مش ضرورى ..
يكون فيه عشان
و العمر دايرة..
مقفولة صح ..
اولها..
نلقاه ف الختام
« prima precedente
Pagina 2 di 12.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.