بعد ما قولنا لبعض سلام
بعد ماخلص بينا الكلام
شوفت دمعه ف عينه مداريها
نزلت منى الدمعه أوام
بعد ما قاللى خلاص هتحمل
وقولت لنفسى هقدر أكمل
وخلاص نوينا نفترق
ضعفه منعنى وضعفى كمان
اسمى : مأمون ..اسم منتشر جداً
عمرى : قبل اليوم كان غريب جدا
المهنه : تلميذ.. تلميذ ما دام عايش
هوايتى : غير النوم كوره وقلم طايش
حلمى : على قدى مش مبالغ فيه
عنوانى : مايتوهش لو سألت عليه
الحب : صوت فيروز أقرب حاجه لقلبى
وأمنيتى :إنى أموت .. راضى عنى ربى
كل كلام الحب العادى حتى بحبك متكفيش
ماهو لو كان الحب ده عادى
كنت أقولها ولا خبيش
حتى كلام الحب حبك
ومكنتش عايش من قبلك
ومن دلوقت أنا هبدأ أعيش
كل حاجه حلوه .......... ناقصه حته
ومش هتلاقى ف حاجه واحده كل الحاجات
للفرح سكه وللحزن 100 ألف سكه
خد م الحياة دى حلوها وانسى اللى فات
ساعات الدمعه بتقوى
ساعات تبنى ولا تهدش
وساعات الضحكه بتخلى
القلوب ضلمه ولا تحسش !!
مهما كان القلب طيب .. بيجرح ساعات
ومهما حبيت كل حاجه .. هتكره حاجات
فيه بسمه حلوه حنينه .. ع الخير علامه
وفيه ناس وشوشها بتبتسم من غير وسامه
وفيه بسمه واحده تشيل هموم وهموم
! و ناس بتقتل ناس بإبتسامه
متفرعن ليه ياسيدى؟
هوه انت تبقى مين؟؟
شايف نفسك ملاك ؟!
ما كلنا بنى اّدمين
مش ابن اّدم وحوا ؟
مش لحم ودم برضه ؟
طول ياعم بالك
دا أصلك ياحلو طـيـن
لليأس أنا مش هسلم ... بإيدى هكسره
والحال لو مش عاجبنى ..أنا ممكن أغيره
قدامى طريق طويل .. صعب مش مستحيل
وخلاص فكرت كتير ... ووقتى مش هخسره
عايز أفرح رغم انى حزين
عايز أنسى حزنى وخلاص
حزن وفرح .. جوايا عايشين
وبيحاربوا بعض بإخلاص
تعبت وتوهت ما بين الاتنين
لا فرحت ولا حزنت ياناس
« prima precedente
Pagina 2 di 5.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.