مـــش حــُب شـــخـصى بـــس
حُـــب الـــفـــكــره أكتر
حُـــــب ضـــــد الــيأس
حُــــــب اتـولـد وبــيكبر
حُـــب كــان طـبــيــعى
لـــواحـــد بيـــنا حَـــس
صــحــيح بــنحــبه بس
حُــبــه لـــيـــنا أكـــــبر
Hamdeen Sabahy
بنقابل ناس فى دنيتنا
وبنودع فيها ناس
والناس معادن ورحلتنا ..
فيها كل الأنواع والناس
اللى شغلاه الحياه
واللى وخداه الظروف
واللى تعيش عمرك معاه
واللى باع من غير كسوف
عرفت طريقى اللى مكنتش أنا شايفه زمان
وياما فات الوقت وانا براهن ف طريق خسران
كان لازم أجرب وعشان كده أن مش ندمان
عرفت طريقى ومش هندم على حد بايعنى
مش واقفه الدنيا عليه أو غيره وايه يعنى
وهكمل كده ومفيش ولا حاجه ترجعنى
بقينا صوره من غير ألوان
دابـت ألوانها مع الوقـت
كـنا الصوره الأحـلى زمـان
وصوره من غير إحساس دلوقت
بنحاول نبقى إخوات
ونكدب جوانا حاجات
بنحارب شوقنا وهوانا
وبنضيع وقتنا فى سكات
بنحاول نوهم روحنا
وتزبد جوانا جراحنا
الكلمه الحلوه بتجرحنا !
وبنرجع ونحِن ساعات
بندوس ع الإحساس جوانا
وقلوبنا بنظلمها معانا
حبنا للبعد خلانا
ياحبيبى بينا مسافات
أنا كنت طفل زمان
لكن بقلب حديد
حاجز فى بكره مكان
عايش حياتى سعيد
كانت الحياة ألوان
والحلم كان عنوانى
كنت وكنت زمان
تقريبا حد تانى !
قلبى أنا صندوق
شايل وجع جواه
يرمى الوجع ويروق
و ف ثانيه تانى يملاه !!
الحكايه مش فى نهضة
مش فى حل التأسيسة
مش حكاية حكم مرشد
ولا تخوين الثورجيه
الحكايه باعوا ثوره
قتلوا فى الناس الطموح
مش مهم أى حاجة
بس أوعى الكرسى يروح
تبت فيه بإيديك وسنانك
بكره يخونك زى ما خان
أصل الشعب المصرى جنابك
عمره ماسلم يوم لجبان
نص قلبك فاضى ؟
محتاج إنك تملاه ؟
محتاج حد تشكيله ؟
تنسى همومك وياه ؟
حد قلبك يرتاحله ؟
تشتاق روحك للقاه ؟
ربك أولى بــ ده كله
فـ دعوه إشكيله وقوله
هتلاقى الكون يضحكلك
وفـ سجده هينزل همك
هتحس إنك إنسان ...
والنص الفاضى مليان
أنا الشاعر ومش شاعر بحاجه جديده فـ الدنيا
وعارف إنى مش عارف هيحصل ايه كمان ثانيه
وحاسس إنى مش حاسس بحاجه مهمه شدانى
وألاقى الروح تروح رايحه برغم ثبوتى فـ مكانى
يادنيا ممله هاتى جديد .. قديمك فات و راح زمنه
وعدتينتا كتير بالعيد ... وأخدتى مننا تمنه
عيدك فاتنا ولا مجاش ؟.. الخاسر إحنا فـ الحالتين
أيامنا تفوت ببلاش !! .. والصبر بس نجيبه منين ؟
« prima precedente
Pagina 3 di 5.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.