لا يازعيم إنت غاصب..إحساسك بينا غايب
خوفك عالأمه غايب
ولسانك في البذاءة متربي في الزرايب
وحتي لو رجعت ...حتي لوإنسحبت
مش راح نكون حبايب
الإنتحار أعلي قوايم الموت
الانتحار في الكدب
والإنتحار لما نخبي الصوت
ومبنقاتلش العدو
يانعيش نقاتل بعضنا...يانموت
الحزن أتقل من حجارة الصبر
والهم أوسع من فراغ القبر
وأنا الحزين ....الحزين
وأغبي الخالدين
لكن يا إخواني
آنا اول المؤمنين بعودة الصغار
يبوسوا باب الدار
ويحضنوا النهار
مؤمن بإن المعادن تتجلي بالنار
وإن الجديد أجمل من القديم
وإنت تشتم مصر
ماهو في سباق المصالح
يبقي اللي فاسق صالح
إنت أداة إسرائيل
وأنا الكلب العميل
والأمة تبقي لونين...عربين ...غريمين
والإسلام إسلامين
الماء عذب ف شفتك
في شفتي مالح
الحظ جاي ف سكتي
من سكتك رايح
يسكن مابينا البين
وإلا ليه فهمني ...مش قادر أفهمك
ليه اللي الهمني ماهوش نفس اللي الهمك
ليه إنت صاعدللعلا بملابس العسكري
ليه بائن واقول عليك مفتري
يابو الحذاء الميري
ما تبعد الجزمة دايسه علي ضميري
يا مرمل الوليه ..ياقاتل الولد
يامطربق السما علي راس البلد
قائد جيوش السلب
ياناشر الغمه
وياكلب يابن الكلب
صدقت فيه أمه وصدقت كلمة شعب
ما تخافش...عندك جيش
من اللي بياكلوا العيش
وإذا عزت اللقمه ..جدعان ياكلوا الخيش
بيخافوا من ضلك..ويقبلوا الأقدام
ويهتفوا بفضلك..من الرعب ف الأحلام
ويخلدوا إسمك بكل فعل حرام
ويهتفوا بإسمك ...مع إن ذكروا حرام
ما أخيبك أمه...ما أتعسك أمه
لا عمل ولاهمه
لا مصدقه فعلك..ولا تحفظي كلمه
أمه تدور وتلف
تقيله مش حاتخف
بليده مش بتشف
حماسيه..وحماسها بكتيروا ساعه يجف
أمه بتتخابط....أمه بتتعابط
أمه ومالهاش لا زابط ولا رابط
ولا كبير عيله..ولا قرابة دم
وفكره وهميه ما تورث الا الهم
...............ما تحل عني يا عم
إحنا ورثنا كلام
إحنا تاريخنا كلام
علشان ده لما تقول
علي طول أقول ...وبكام؟
ماهو حب ...دبرني
وتاريخ...فكرني
وطريق....نورني
ومصير بصرني
ده أنا بقيت عربي من قبل مالقي اللي يمصرني
ماهو في سباق المصالح
يبقي اللي فاسق صالح
إنت أداة إسرائيل
وأنا الكلب العميل
والأمة تبقي لونين...عربين ...غريمين
والإسلام إسلامين
الماء عذب ف شفتك
في شفتي مالح
الحظ جاي ف سكتي
من سكتك رايح
يسكن مابينا البين
وإلا ليه فهمني ...مش قادر أفهمك
ليه اللي الهمني ماهوش نفس اللي الهمك
ليه إنت صاعدللعلا بملابس العسكري
ليه بائن واقول عليك مفتري
يابو الحذاء الميري
ما تبعد الجزمة دايسه علي ضميري
يا مرمل الوليه ..ياقاتل الولد
يامطربق السما علي راس البلد
قائد جيوش السلب
ياناشر الغمه
وياكلب يابن الكلب
صدقت فيه أمه وصدقت كلمة شعب
أنا إنتمائي لأمتي ممسخرني
محسوبه في الأحزان عليّ
في الفرح تنكرني
ياللي إنت لا أمه ولا إنت أم
فيه أم ماتعرفش ساعة الألم تضم
هوه بسلاحه المميت.. جاي ينزرع فيها
وانتو.. بدخان صمتكم يا أهلي عميتونا
ياللي في عسري وضيق اليد نسيتونا
أهو جه ياكلكوا اللي علي حربه انتو لُمْتونا!!
يا أمة ترمي ضميرها للكلاب.. ببلاش
يا أمة قبلت مصيرها (خدمة الأوباش)
كله كلام.. لا انتماء.. ولا وطن.. ولا دين
قاعدين سنين تحلموا بظهور (صلاح الدين)
ماكان ما بينكم قتلتوه انتو يا فالحين
كل اللي صدوا العدو.. راحوا ومش راجعين
ولا »صلاح دين« يا ناس ولا حتي زفت الطين
الحي ميت يا ناس أما اللي ميت عاش
يا أمة ترمي ضميرها للكلاب ببلاش
يا أمة قبلت بفرحة.. خدمة الأوباش
قول رأيك ايه لما تصبح أمتك.. داءك؟
تفطر بكاس العداوة كل يوم ع الريق؟
وإحنا ضعنا.. بنصرخ زي طفل غريق
وكل دولة تلاتة متر.. عاملة فريق
الأنظمة كلها.. ما بتختلفش يا أخ
مَد المواطن قفاه ومنعتوا آه أو أخْ
مش أنظمة.. في الحقيقة دي مجرد فخ
لو المواطن جمل بحملكم كان نخ
وكل حاكم لئيم.. براه.. غير جوه
ونسألك إنت.. وكإنك نسيت الرد
الدنيا تطلع مظاهرات والهتاف بيقول
واللي في مخك في مخك.. لا يهمك قول
« prima precedente
Pagina 10 di 12.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.