يا شمس غيبى يا مراكب حلى
المووت بيجرى وانا لسه محلى
مصر اللى لا لحظة ولا صُدفة
ثورة فى ضمير النور.. بتتكوِّن.
رايات.. بدم البُسطا.. تتلوِّن
سَدوا الطريق كيف المؤامرة تفوت؟
«فلتسقط الخيانة
والقيادات الجبانة
نداغة الإهانة..
كريهة الريحة.. كريهة الصوت!!»
آهين يا رفاقة
لو كنت أعرف أرجَّع البكَرة
واجيب بكرة
أرسى ف موانى الحلم من غير عِلْم
من غير عذاب.. ولا تضحِيات
ولا دم
واشوف نهاية الفيلم..
الفيلم تافه.. سخيف
بطلُه المفتح.. كفيف.
شريفُه هوه المطارد
ولصه.. هوّه الشريف
خايف أموت من غير ما اشوف
تَغيُّر الظروف
تَغيُّر الوشوش وتَغيُّر الصُّنوف.
والمحدوفين ورا...
متبسّمين فى أول الصفوف!!
خايف أموت وتموت معايا الفكرة
لا ينتصر كل اللى حبيته
ولا يتهزم كل اللى كنت اكره
إتخيلوا الحسرة
إتخيلوا الحسرة!
آهين يا رفاقة
لو كنت أعرف أرجَّع البكَرة
واجيب بكرة
أرسى ف موانى الحلم من غير عِلْم
من غير عذاب.. ولا تضحِيات
ولا دم
واشوف نهاية الفيلم..
الفيلم تافه.. سخيف
بطلُه المفتح.. كفيف.
شريف و هو المطارد
ولصه.. هوّ الشريف
يا ما بليدة يا خطوة التواريخ
فقيرة الصورة
وباهظة التكاليف!!
كانِتْ ملاذ الغريب ورغيف للجَايْعِين
جُوَّه وبرَّه العَدُو دَاقِقْ أسافِينُه
فَقَرُوهَا وِلْد الغَبِيَّة وطَمَّعُوا الطامْعِين
!!والِعجْل لَمَّا يُقَع تِكْتَر سَكَاكِينُه
هوه حراجى عايز ايه من الدنيا غير ان لما الضحكه تطلع من قلبه تطلع مرتاحه !
عبد الرحمن الأبنوديوالناس هي المي
براهم ندبل
ننشف
لا اوان له ولا ميعاد الموت
أيوه
بنبقي وسطيهم لكن ندبل
لإنه مش العبره يا فاطنه نقعد وسطيهم
الحكمه في قعدتنا
يقعدوا جوانا ونقعد جواهم !
لكن اللى ما عرفش مصر يقول كده .. واكتر
تبان هزيلة قتيلة .. يوماتى .. تتدِحدر
ما يعرفوش ان خلف الغيم بلد يقدر
يضرب بكفه يفتح ألف بابا للغد
يطلع ربيعه فى قلب البرد أو فى الشرد
ملايين .. ما يتحسبوا لا بالجوز ولا بالفرد
فجأة .. من الشوك تطل عليك عيون الورد
فجأة .. ويعلا الغُنا .. يملا الفضا والأرض
ومصر هيه .. حتقول : " ماهيش هيه "
لولا فى عينيها الهرم والسد والأزهر !!
الارض رجعت للاقطاع وقالوا رجعت لاصحابها وصاحبك الفلاح أهو جاع ضاعت العقود واللي كتبها وخط ايد عبد الناصر
عبد الرحمن الأبنوديTag: عبد-الناصر
« prima precedente
Pagina 11 di 12.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.