الأولة في الغرام و الحب شبكوني
و الثانية بالامتثال و الصبر أمروني
و الثالثة من غير معاد راحوا و فاتوني
الأولة في الغرام و الحب شبكوني
بنظرة عين
و الثانية بالامتثال و الصبر أمروني
و أجيبه منين
و الثالثة من غير معاد راحوا و فاتوني
قولوالي فين
الأولة في الغرام و الحب شبكوني
بنظرة عين قادت لهيبي
و الثانية بالامتثال و الصبر أمروني
و أجيبه منين احتار طبيبي
و الثالثة من غير معاد راحوا و فاتوني
قولوالي فين سافر حبيبي
سافر في يوم ما واعدني
على الوصال و عاهدني
و كان وصاله وداع
من بعد طول امتناع
حطيت على القلب ايدي
و انا بودع وحيدي
و أقول يا عين اسعفيني
و ابكي و بالدمع جودي
من يوم ما سافر حبيبي
و انا بداوي جروحي
اتاري في يوم وداعه
ودعت قلبي و روحي
طالت عليّ الليالي
و انت يا روحي انت
لا قلت لي فين مكانك
و لا حترجع لي امتى
الأولة في الغرام و الحب شبكوني
بنظرة عين
و الثانية بالامتثال و الصبر أمروني
و أجيبه منين
و الثالثة من غير معاد راحوا و فاتوني
قولوالي فين
الأولة وقادت و السبب نظرة
و الثانية ما طلت غير الصبر و الحسرة
و الثالثة انا اللّي جرى لي عمره ما يجرى
سافر حبيبي .......
Tag: شعر-غنائي
شمس الأصيل دهبّت
خوص النخيل يا نيل
تحفة ومتصورة
في صفحتك يا جميل
لوالناي على الشط غنى
والقدود بتميل
على هبوب الهوا
لما يمر عليل
***
يا نيل أنا واللي احبه
نشبهك بصفاك
لانت ورقت قلوبنا
لما رق هواك
وصفونا في المحبة
هو هو صفاك
ما لناش لا احنا ولا انت
في الحلاوة مثيل
***
انا وحبيبي يا نيل
نلنا أمانينا
مطرح ما يرسى الهوى
ترسى مراسينا
والليل إذا طال وزاد
تقصر ليالينا
واللي ضناه الهوى
باكي وليله طويل
***
اناحبيبي يا نيل
غيبين عن الوجدان
يطلع علينا القمر
ويغيب كأنه ما كان
بايتين حوالينا نسمع
ضحكة الكروان
على سواقي بتنعي
ع اللي حظه قليل
يا نيل
Tag: شعر-غنائي
الحب كده وصال ودلال ورضا وخصام
اهو من ده وده الحب كده مش عايز كلام
الحب كده
حبيبي لما يوعدني تبات الدنيا ضحكالي
ولما وصله يسعدني بافكر في اللي يجرالي
ينسيني الوجود كله ولا يخطر على بالي
ولما طبعه يتغير وقلبي يبقى متحير
مع الافكار ابات في نار وفي حيرة تبكيني
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
حبيب قلبي يا قلبي عليه ولو حتى يخاصمني
ويعجبني خضوعي اليه واسامحه وهو ظالمني
وبعد الغيم ما يتبدد وبعد الشوق ما يتجدد
غلاوته فوق غلاوته تزيد ووصله يبقى عندي عيد
وبعد الليل يجينا النور وبعد الغيم ربيع وزهور
اهو من ده وده الحب كده مش عايزه كلام
الحب كده
يا سعد اللي غرف مرة حنان الحب وقساوته
ويا قلبه اللي طول عمره ما داق الحب وحلاوته
تشوفه يضحك وفي قلبه الأنين والنوح
عايش بلا روح وحيد والحب هو الروح
حبيب قلبي وقلبي معاه بحبه في رضاه وجفاه
اوريه الملام بالعين وقلبي على الرضا ناوي
بيجرح قد ما يجرح ويعطف تاني ويداوي
اهو من ده وده الحب كده مش عايزة كلام
الحب كده
Tag: شعر-غنائي
و لا سياسي و دبلوماسى
على الكراسى يحكم عليه
لا يتمحى من أرضنا
و لا يزول و احنا هنا
متمسكين بحقنا
متسلحين بعزمنا
أعدانا شافوا البينه
اللى بنوه فى سنين فى ساعه انهدم
الأوله أمه خايبه و التاريخ معلوم
و التانيه جات ضربه صايبه من بلاد الروم
و التالته قول جاتنا نايبه و الكلام مفهوم
الأوله آه .. و التانيه آه .. و التالته آه
يارب سلطان جمالك يتعبد للــذات
خالص لوجـهك لا للـنيران ولا الجنات
لكن عبيـدك و خلـقك يعبدوك لغايات
صبحوا ونا عبد منهم كلهم ترسات
التاجر اما افتقر صلى و صام الفرض
و العمدة لما اترفت جالك وقع فى العرض
و القطن لما اتحرق صاحبه سجد عالأرض
و كلـهم عالعبـــادة يطلبـــوا حسنـــات
أبو فراج:
طول عمري راجل مسافر *** بين القفار والبراري
وكنت أصادف قبائل *** زي الوحوش الضواري
قوتهم في الصيد ونومهم *** مطرح ما يقسم نصيبهم
مشردين في الفيافي *** أعداء ما تبطل حروبهم
أنشد عليهم قصيدة *** تجعل قلوبهم مطيعة
وآعطيهم العيش يذوقوا *** العيش وطعم الطبيعة
إن ذاقم العيش يجوني *** خاضعين وطالبين زيادة
أقول لهم اتبعوني *** عندي طريق السعادة
القمح ده كل حبة *** تنبت لكم سبعمية
لو تزرعوه في الأراضي *** تصبح عيشتكم هنية
بالحرث والري تبدوا *** حتى تبان السنابل
يتمدن القوم ويبنوا
وقول لي إيه اللي يجرى *** بعد السكن والزراعة
أقول لك إن الزراعة *** تجلب وراها الصناعة
نجار وحداد وبنا *** والكل بايع وشاري
والقفر يصبح مدينة *** في وسطها النهر جاري
يتعود الناس جميعاً *** عالاتحاد والزمالة
والرب ينزل عليهم *** حب السلام والعدالة
شوف حبة القمح تبدل *** إنسان وتأتيك بغيره
من بعد ما خفت شره *** أصبحت غرقان في خيره
عقيلة:
لو كان زواج بالشريعة، كنت أنا أرميك
لكن زواج بالجرائم وانت فيها شريك
قاتل وقاتلة ووافق دمها دمه، مجرم عشق مجرمة، حبه لها ضمه، لو قال لها انتي طالقة. يبقى يعني طلاق؟ لا، دانت غلطان، طلاقك ينقصه أوراق أو انت في حلم، غرقان في وصال وعناق أنا ماليش إلا مجرم مثلك انت قرين وانت مالكش إلا زوجة مجرمة مثلي فضك من الشرع يا ضرغام والقوانين.
Tag: الزواج الشريعة الجريمة الطلاق
أبو فراج: اعشق ثريا يا بطل، الدب يعشق العسل، والقط يعشق السمك، والذئب يعشق الغنم، يعني اللذائذ واجب عليكم أكلها.
بيرم التونسيTag: العشق
« prima precedente
Pagina 3 di 5.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.