أبو فراج:
كان يدخل الحب قلبك *** لو كان غرامك غرامي
الحب طائر إذا اتربى على الحسنات
يطلع بنا للسموات العلا درجات
له القلوب اللي مملوءة يقين وثبات
مش القلوب اللي تنقلب مع اللذات
حبيت أنا إنما حبي وحيد لوحيد
وقلبي ده هوه هوه مش قديم وجديد
وبينما انت تحنث في يمين الحب
وقربتك حضرتك في كل نقرة تصب
وبينما يا فتى تنظر هناك وهناك
وتطلب الموت اللي قلت له أهواك
ازداد أنا في ثباتي *** وأعبد حبيبي حياتي
والعشرة مالهاشي قيمة *** إلا لكونها قديمة
تحدث مصايب كتير تحكم بها الأقدار
الموت، الهم، الأمراض، الأعسار
إيه العمل وقتها؟ عندي ثبات ويقين
وصبر يحلا على البلوى ورب يعين
ويزيدني قوة أقاوم بعدها النيران
وارجع إلى الله وحبي أقوى مما كان
هذا هو الحب.
أبو فراج:
الزهر للنور بطبعه منجذب ميال
كذلك الرحمة فينا تجذب الأطفال
ليه تهدموني وأنا لعزكم باني
ده انا اللي فوق جسمكم
قطني وكتاني
عيلتي ف يوم دفنتي
ملقتش أكفاني
حتى ف آسية وأنا
راحل وسايبكم
ليه امشى حافى ،وانا منبت مراكيبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم!
ساكنين علالى العتب،وانا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد
لكن بعاتبكم
من الصباح للمسا،والمطرقه فيدى
صابر على دى الاسا ! حتى نهار عيدى
ابن السبيل انكسى ، واسحب هرابيدى
تتعروا من مشيتى
واخجل اخاطبكم
ليه تهدمونى وناللى عزكم بانى
انا اللى فوق جسمكم قطنى وكتانى
عيلتى فى يوم دفنتى مالقيتش اكفانى
حتى الأسيّه وانا راحل وسايبكم؟
الحق إسم من أسماء الله الحسنى ، يعني ربنا ذاته اسمه الحق، والحق هو ربنا ، فلما يجتمع من الآدميين ميت ألف ديشيليون مكار عشان يخفوا الحق ميقدروش، إن مظهرش الكذب في عيونهم يظهر في أصواتهم أو في حركاتهم ، لأن ربنا نفسه عايزه يظهر صوت الكذاب المخادع بيبقى نشاز ، مهواش سالك مفيهوش مقامات موسيقية، كله من طبقه واحدة مالوش طعم
بيرم التونسيالعيان اللي تقعد جنبه مرة مصرية تبقى عيشته زي الهباب، كل ساعة والتانية تسأله إن كان نام ولا صاحي، متألم ولا مرتاح
بيرم التونسيمش ضروري تدرس الناس كلها ، ادرس روحك انت واعرف نفسك لما تحب تكدب أو تغش ، شوف إيه اللي بيجرالك ، وقيس عليه بقية الناس.
بيرم التونسييــــا مصـــــر
يا مصر تتحدث الامجاد بجمالك
فى وحى جبريل
من قبل فرعون وموسى الشمس ضاحكالك
فى صفحة النيل
حسنك لوحدك لانسوانك ولا رجالك
من جيل ورا جيل
ــــ
فى وحى جبريل قصايد واسمها سينا
منقوشه بالنور
فى صفحة النور مزايا للحياه زينه
قدامها جمهور
من جيل ورا جيل ومن خوفو ورا مينا
وكل طرطور
ــــ
منقوشة بالنور قراها سيد الإسلام
بأمـــــره مولاه
قدامها جمهور على ذكر الجلاله ينام
والأمــــــر لله
وكل طرطور بقبه أو بنى أهــرام
والكل سايعاه
ــــ
بأمره مولاه محمد عالجمال وصى
حاكم ومحكــــوم
والأمر لله وجتى فى الخلف غصه
تتمـــــد وتدوم
والكل سايعاه وله من رأفتك حصه
آه عللى محروم
يا مصري و انت اللي هاممني من دون الكل
هزيل و يحسبك الجاهل عيان بالسل
من دي الكيوف اللي تصبر على كتر الذل
و نمت و العالم فايق قوم بص و طل
و شوف الشعوب و اتغص و دوب و ارجع إنسان
راحت على الشمس نومة و البلد فى ظلام
بيرم التونسي« prima precedente
Pagina 4 di 5.
prossimo ultimo »
Data privacy
Imprint
Contact
Diese Website verwendet Cookies, um Ihnen die bestmögliche Funktionalität bieten zu können.